﻿<br>
<span class=sanskrit>
|| prajñā-pāramitā-hṛdaya-sūtram<br>
| āryāvalokiteśvaro bodhisattvo gambhīrāyāṃ prajñāpāramitāyāṃ caryāṃ caramāṇo<br>
| vyavalokayati sma pañca-skandhāḥ tāṃś ca svabhāva-śūnyān paśyati sma<br>
| iha śāriputra rūpaṃ śūnyatā śūnyataiva rūpaṃ rūpān na pṛthak śūnyatā śūnyatāyā na pṛthag rūpaṃ<br>
| yad rūpaṃ sā śūnyatā yā śūnyatā tad rūpam<br>
| evam eva vedanā-saṃjñā-saṃskāra-vijñānāni<br>
| iha śāriputra sarva-dharmāḥ śūnyatā-lakṣaṇā anutpannā aniruddhā amalā avimalā anonā aparipūrṇāḥ<br>
| tasmāc chāriputra śūnyatāyāṃ na rūpaṃ na vedanā na saṃjñā na saṃskārā na vijñānam<br>
| na cakṣuḥ-śrotra-ghrāṇa-jihvā-kāya-manāṃsi<br>
| na rūpa-śabda-gandha-rasa-spraṣṭavya-dharmāḥ<br>
| na cakṣur-dhātur yāvan na mano-vijñāna-dhatuḥ na-vidyā na āvidyā na vidyā-kṣayo na-āvidyā-kṣayo yāvan na jarā-maraṇaṃ na jarā-maraṇa-kṣayaḥ<br>
| na duḥkha-samudaya-nirodha-mārgā na jñānaṃ na prāptiḥ<br>
| tasmād aprāptitvād bodhisattvānāṃ prajñāpāramitām āśritya viharaty acitta-āvaraṇaḥ<br>
| citta-āvaraṇa-nāstitvād atrasto viparyāsa-atikrānto niṣṭha-nirvāṇaḥ<br>
| tryadhva-vyavasthitāḥ sarva-buddhāḥ prajñā-pāramitām āśritya anuttarāṃ samyak-saṃbodhim abhisaṃbuddhāḥ<br>
| tasmāj jñātavyaṃ prajñā-pāramitā mahā-mantro mahā-vidyā-mantro’nuttara-mantro’samasama-mantraḥ sarva-duḥkha-praśamanaḥ satyam amithyatvāt<br>
| prajñā-pāramitāyām ukto mantraḥ tadyathā gate gate pāragate pārasaṃgate bodhi svāhā<br>
| iti prajñā-pāramitā-hṛdaya-sūtraṃ samāptaṃ ||
</span>